الحب المستحيل

اني انا كنت مصاحبه اخته إيمان من وانا في سنه اولى ثانوي ولا ايه وكنت بروح عندهم البيت و مش بنخبي على بعض حاجة كمان واعرف كل التفاصيل اللي توديكي في داهيه حاكم ايمان كمان طلعت فضولية زيي و مش سايبة جابر في حاله و بتعرف كل حركاته .
حاولت سعاد تتصنع القوة وانا هقول انك كدابه وعايزه تعملي كده عشان تغطي على عملتك السوده واما نشوف هيصدقو مين فينا انا ولا انتي !
يا ستي ما تشغليش بالك انتي بس حتى لو ما صدقونيش انا هيصدقو زكيه الممرضه لأنها مستحيل تشهد زور خصوصا بقى لو طلبوها للشهاده وحلفوها عالمصحف !
بلعت ريقها وقالت پخوف زكيه !

ااااه زكيه وان ما نفعتش شهادتها هابقى اديهم كمان تسجيل لمكالمتك انتي وسليمان وانتي بتتفقي معاه عشان توديني ليه يا واطيه ساعتها هنبقى نشوف مين الكدابه فينا بقى !.
Flash
بقولك ايه يا بت يا بسمه !
فيه ايه يامي خير 
انتي ما طلعتيش من اوضتك من ساعة الحكايه المنيله إياها هتفضلي حابسه نفسك لحد امتى انتي والمخروب اللي انتي اشترتيه دا 
يامي اطلع اروح فين بس اديني بتلهي في تليفوني احسن من سعاد وقرفها
طيب على سيرة سعاد هيا عايزاكي تروحي معاها مشوار عايزه تشتري هدوم ومش عايزه تطلع لوحدها طلبت مني اقولك اذا تقدري تروحي معاها .
انا بإستغراب انا وهيا من امتى سعاد بتطلع معايا في مشاوير ! ما انتي عارفه انها طول عمرها قارشه ملحتي ايه اللي حصل الموضوع أكيد فيه إن وكمان هيا متعوده تطلع لوحدها في كل مشاويرها ليه المشوار دا عايزه تطلعني معاها مع انها ما بتطيقنيش 
يا بنت ما تبقيش شكاكه كده انتي عارفه انها ممكن تبيع اهلها عشان الفلوس تلاقيها لما عرفت انك هتتوظفي بقت عايزه عشان تبقي تحني عليها بقرشين ولا حاجه أكيد دي كل الحكاية.
مش عارفه بس الموضوع دا فيه حاجه مش مضبوطه .
يا بت انتي هتخسري ايه روحي معاها وانتي تعرفي نيتها وكمان الاجازه تخلص وانتي ما عندكيش لبس جديد وكده كده كنتي لازم تطلعي تشتري هدوم انتي كمان للشغل .
طيب ماشي هروح معاها و امري لله .
بعد يوم
هو احنا رايحين فين يا سعاد 
نوصل اهو هو دا المحل صاحبه معرفه قديمه هو سوري بس بيجيب حاجات حلوه وهتعجبك قوي .
سعاد اهلا يا سليمان اخبارك ايه 
سليمان بيبصلي من فوق لتحت وبيبص لسعاد وبيغمزلها اهلين فيكي سعاد ومين القمر ما تعرفينا 
سعاد وهيا بتبتسم بخبث دي بسمه بنت اخويا لسه مخلصه جامعه .
مد ايده يسلم عليا اشرفت فيكي انسه بسمه 
بصيت عليه وعلى إيده الممدوده وابتسمت له ابتسامه بلهاء متشرفه واسفه ما بسلمش على حد وروحت اشوف الهدوم وسيبته واقف متنح اتهامسو هو وهيا يجي دقيقه وبعدين قالتلي مش لاقيه مقاسي يلا بينا نروح .
استغربت لانها اصلا ما شافتش حاجه ولانها غبيه ما انتبهتش اني كنت مراقباها 
رجعنا البيت وكنت ناسيه البودره بتاعتها في شنطتي كانت مجنناني قبل ما نطلع انا وهيا عشان احط منها قال ايه قال وشي أصفر ودبلان قولتلها طيب سيبيها هاحط منها بعدين ومرضيتش احط منها خۏفت من اصرارها علي لأنها كانت دايما بتعملي حاجات مؤذيه لأنها بتعرف مشايخ كثير و مشعوذين فقولت اكيد البودره دي فيها حاجة
قولت ارجعها يمكن تكون محتاجاها واول ما على باب اوضتها سمعتها بتتكلم في التليفون ولانه تليفونها كان سماعته بايظه مشغله الإسبيكر لفت انتباهي فورا صوت راجل معاها عالخط وقفت بسرعه ورا الباب قولت اسمعها بتقول ايه لانه خطړ ببالي اسجل كلامها يمكن حاجه تنفعني للزمن بس اڼصدمت لما سمعتها بتتكلم عني !!
بس ايه رأيك في البنت بصراحه مش قولتلك جامده 
جامده شووو البنت صاروخ بس مبين عليها مش سهله يعني كيف هتقدري تقنعيها 
ما تشغلش بالك إنت هبقى اضبطهالك بمعرفتي زي ما عملت وجيبتها النهارده 
وضحكت ضحكه خبيثه .
جريت بسرعه على اوضتي قبل ما تحس بيا ! رجليا كانت بتخبط في بعضها من الصدمة ! يا نهار ابوكي اسود يا سعاد الكلبه !! هيا حصلت عايزه توديني لرجاله كمان ! طيب بسيطه والله ل اخليكي ټندمي ندم عمرك على كل اللي عملتيه وبتعمليه فيا دا انا وامي و مسيره يجي يوم ادفعك فيه القديم و الجديد يا واطية .
Back
حطت ايدها على بقي وهي بتبص ل برا پخوف شديد لحد يكون سامعنا بس خلاص يا بسمه الله ېخربيتك هتفضحينا قدام أمك وامي !
ضحكت بخبث و الله اللي هيتخرب بيته و يتفضح هو انتي انا صفحتي بيضاء معنديش حاجة اخاڤ منها .
طب خلصيني عايزه ايه وتسدي بوقك 
الموضوع بتاع محمد دا يتقفل نهائي ولو