حبيبتي الكفيفه نور عيني

يتابع حديثهما معا جدو عنده حق يا امير لان دي الاصول وانتوا لازم تلبسوا الدبل.
فتنتد امير وقال بضجر يا دي الاصول اللي انتوا ماشين عليها دي.
السيد عاصم بصرامه امير .. اوعى تتصرف بالطريقة الرجعية دي قدام الجماعة لان دا مش تصرف بيليق في راجل محترم زيك.
امير وهو يستلقى السيارة بجانب عدى خلاص خلاص ... مش هفتح بؤي خالص.
وما هي الا مدة زمنية قد مرت حتى وصلوا الى منزل السيد احمد والد مالك ...
ليترجلوا من السيارة فأجبر السيد عاصم حفيده على حمل باقة الورود الحمراء وعلبة الشوكولا الفاخرة التي احضروها معهم مما جعله ينزعج ولكن ما باليد حيله ... فهو مجبر على ان يسمع كلام جده لانه يفعل كل ذلك من اجل مصلحته ومصلحة سارة ومالك ... فساروا حتى وصلوا الى حديقة المنزل الصغيرة والتي كانت مرتبه ونظيفه فقامت تولين بطرق الباب وما هي الا ثواني حتى فتحت لهم ملك وهي تبتسم فابتسمت لها السيد عاصم عندما رأى كم هي جميله وقال مساء الخير يا قمر.

فاجابت ملك وهي تبتسم مساء النور ... اتفضلوا.
فابتسم عدى قائلا بعشق حاول اخفائه لكنه لم يستطع شكرا يا ملك .
ثم دخلوا جميعا الى المنزل الذي كان عباره عن طابقين وكان متواضعا ونظيفا ومرتبا للغاية فاتى مالك وابتسم قائلا اهلا وسهلا شرفتوا ..
فصافحه السيد عاصم وقال بابتسامه فرحة مساء الخير ... عامل ايه يا بنى 
مالك بجديه وثقة وهو يشير لهم بالجلوس الحمدلله بخير ... اتفضلوا
فقام امير بوضع باقة الورد على الطاولة التى امامه قائلا بحنق
ازيك يا مالك ليك وحشه والله .
فابتسم مالك بتصنع وهو يقول من بين اسنانه متشكر يا امير بيه .. ماكنش في داعي انك تتعب نفسك.
فابتسم امير بتصنع وقال العفو على ايه.
اما تولين فاعطت ملك علبة الشوكولا التي اعطاها اياها امير قبل دخولهم وقالت اتفضلي يا ملك
فابتسمت ملك بود وقالت شكرا حبيبتي
السيد عاصم بابتسامته التى لم تفارقه منذ ان دلف الى داخل المنزل 
بسم الله ما شاء الله ...

انت واخواتك يا مالك جمالكم الله اكبر شبه الأجانب انتوا التلاته
لتبتسم ملك بخجل وهى تخفض رأسها بينما ابتسم مالك بثقة قائلا 
ربنا يخليك يا عاصم بيه ... وانتوا ما شاء الله عليكوا ناس محترمين اوي .
ثم جلسوا جميعا في غرفة المعيشة حيث كان مالك وملك حضرا لاستقبالهم بشكل جميل فهى قد خبزت الكعك المحلى واعدت العصائر الطازجة والفواكة ووضعت المكسرات الحلبية على الطاولة امامهم .
فقال لهم السيد عاصم بود ليه تعبتم نفسكم يا ولاد 
ملك بابتسامه ودوده مافيش حاجة من واجبكوا يا عاصم بيه .. وزي ما يقول المثل الجود من الموجود 
ليبتسم عدى بخفة على حديثها
وفي تلك الاثناء كانت سارة في المطبخ تقف تنتظر ملك ان تاتى لتعد القهوة لتدلف ملك وقالت مبروك يا عروسه بصى لحد دلوقتى اخوكى مامسكش زمارة رقبة امير
لتقول سارة بتوتر بطلي رغي وتعالي اعملى القهوة عشان اليود دا يخلص
فضحكت ملك وقالت افسحى ياختي ... مش عارفه من غيرى كنتوا هتعملوا ايه
سارة بحنق هتسكتي والا اديلك بالشبشب 
ملك پخوف مصطنع خلاص خلاص ...كلو الا الشبشب.
بعد انتهاء ملك من عمل القهوة اخذتها وذهبت لتقدمها اليهم بعدها ذهبت واخذت اختها من المطبخ الى غرفة المعيشة ولم تكن سارة متوترة او مرتبكة كما يكون حال معضم الفتيات عندما تتم خطبتهن بل كانت مسترخية تماما لانها تعلم ان هذا الزواج ما هو الا صفقة للحفاض على ماء وجهها امام الناس وليس كما يعتقد الاخرين .
فابتسمت وقالت اهلا وسهلا ...شرفتوا يا جماعة .
فابتسم السيد عاصم وقال بوجودك يا سارة .
لينهض مالك مساعدات اياها بالجلوس بينما امير الذي ينظر اليها بغرابة يحدث نفسه ايه البنت الغريبة دي مش متوتره خالص !
ليقول السيد عاصم للمالك انا هخش في الموضوع على طول ومن غير مقدمات ... احنا جينا النهاردة علشان نطلب ايد اختك لخفيدى امير على سنة الله ورسوله.
فقام مالك بالصلاة على النبي وقال وانا بتشرف اناسب حضرتك يا عاصم بيه .
وبعد الحديث فى التفاصيل
السيد عاصم يبقى خلونا نقرا الفاتحة على نية التوفيق.
فبدأ الجميع يقرأون الفاتحة الا امير الذي لم يكن منتبها بالحديث اساسا حيث انه كان يشرب قهوته وينظر في ارجاء الغرفة فانتبه مالك عليه وقام بركل قدمه مما جعله يسقط بعض من القهوة على قميصة فنظر إليه بانزعاج واشار له بعينيه دليلا على ماذا 
فاشار له بعينيه لكي يقرأ الفاتحة مع الجميع فوضع الفنجان من يده ثم قرأ سورة الفاتحة ايضا .. وبعدما انتهوا 
قالت السيد عاصم انتم عارفين اللى خصل امبارح عشان كدا مس هنلخ قنعمل حفل خطوبة بس هنعمل فرح على طول وهيكون الفرح بعد بكرا لو مناسب معاكم
فقال مالك بابتسامة متكلفه مفيش مانع بس انا لسه عند كلامى.....
قاكعه السيد

عاصم قائلا بجديه و احنا مقولناش حاجة .... يلا يا امير