روايه القوارير للكاتبه مياده
اتصرف ازاي في اللي جاي
مس عايسه خلاث اني هنام
لفت وشها للحيط و هي جاعده مطرحها و نامت علي الارض
رتبت الفرشه تاني و حملتها بين ايدي لجيتها خاېفه و مړعوبه
حاولت انيمها لكن مسكت في جميصي جامد
مالك يا وعد سيبيني يا بت
لاه اني خاېفه من الديب يا قاسم
جولتلك ماتخفيش تعالي شوفي اني عملت ايه في الديب
اخدتها و فتحت الباب عشان اوريها الديب و هو مربوط
لساكي خاېفه يا بنت فدوه
اه خاېفه جوي و خاېفه منك انت كمان
ماتخفيش من الديب بس من هنا و رايح لازما تخافي مني اني لازم تسمعي كلامي يا جدري
حاضل يا قاسم هاسمع كلامك
دخلت بيها تاني الجاعه و نامت و هي في
و فضلت اني سهران جنبها لحد ما نعست و اني جاعد ماحستش مر وقت اد ايه و اني نعسان
نيمت وعد من علي صدرى و غطيتها كويس
و اتسحبت و اني ماسك البندجيه في يدي و خرجت اشوف في ايه
لجيت جدامي رجالة عزوز المحلاوي بينبشو و يدورو تحت التراب و بيخدو كل حاجه غاليه يلجوها
جريت علي الديب فكيته و مسكت حبله بيدي و ضړبت طلجه في الهوا عشان اخوفهم
بتعمل ايه عندك يا ولد المحروج انت و هو
مين قاسم ولد الديب لساك عايش و احنا اللي فكرنا اننا خلصنا من عزوز و نصار الديب و نسلهم الاتنين
عايش يا ولاد ال و نسل الديب لساته مانتهاش سيبو اللي في يدكم ده و يلا غورو من اهنه
ههههه عاتخوفنا اياك بالجطه اللي في يدك دي لاه يا شاطر داحنا بناكلهم في الجبل
هانشوف مين بياكل مين
طلجت الديب من يدي و جري عليهم و اني بضړب پالنار
هما بيجرو و الديب بيجري وراهم لحد ما واحد منهم ضربه طلجه و جتله
جفلت البوابه تاني و وجفت جدام الحجاره و قولت لازما ادور علي حجي و مالي قبل الكلاب السعرانه ماتنهش في لحمي و لحم وعد
من غير مالي مش هاعرف اعمل اي حاجه او حتى هاعرف اعيش
سمعت صوت اذان الفجر بيآذن افتكرت شيخ الجامع الراجل الكبير اللي طول عمره بيقول
اول النهار ما طلع شيلت وعد و جريت بيها علي الجامع استنيته لما خرج و رجالة البلد كمان كانو خارجين معاه
و زى ما يكونو كلهم اتفاجئوا لما شافوني و بجي كل واحد منهم بكلمه
واه قاسم ولد نصار انت ماموتش
هي العيله دي ماعتخلصش و لا ايه
احنا ما صدقنا اننا خلصنا من العيله الظالمه دي
طب ما نخلص منه هو كمان يلا يا رجاله
بيكفياكم يا رجاله شاب صغير و علي كتفه عايله صغيرة
الشاب ده يا شيخ حسن يبجي ولد نصار الديب الراجل اللي كان راعب البلد كلها و اوي مطاريد الجبل في بيته
اذكرو محاسن مواتكم يا ولدي
و هو نصار الديب و لا عزوز المحلاوي كان ليهم محاسن بردك يا شيخ حسن
كلامهم كان يخوف بس انا اصريت جوه نفسي اني لازم اواجههم
وجفت جدام الشيخ حسن و جولت ليهم
و انتو كنتو بتطوا راسكم و بتشتغلو عنده ليه لما انتو عارفين انه مالوش اي محاسن
كنتو بتزرعو
نصار الديب كان جوي اه لكن مكانش ظالم عمره ما اكل حق اي حد فيكم و لا هاتنكرو
دي كمان
كلهم سكتو و كآن كلامي كان جامد عليهم زي كرباج ابوي
انفضوا كلهم من حاولينا الا الشيخ حسن
الټفت له و وعد علي كتفي و قولتله
اني عايز اتحدت معاك يا شيخ حسن
ابتسم لي و حط يده على كتفي و كأنه عايز يطمني
طب و ماله تعالى يا قاسم يا ولدي نروح عندي في الدار
اخدني علي داره و فتحت ليه الست كريمة مرته و قالها
خدي يا كريمة البت الصغيره الجميله دي نيمها جوه
مدت يدها ليا عشان اعطيها ليها
حاضر من عيني دي وعد بنت الست فدوه مش اكده يا قاسم يا ولدي
ايوه يا ست كريمة بنت فدوه الله يرحمها
ربنا يرحمها هي و امك وعد دول كانو ست النسا يا ولدي
ربنا يخليكي يا ست كريمة
عطيتها وعد و خرجت بيها و جعدت اني و الشيخ حسن قصاد بعض
اني جايلك و قاصدك في طلب
يا شيخ حسن
اتفضل يا ولدي قول و لو في مقدرتي مش هتآخر عنك
وعد يا عم الشيخ كنت عايز اسيبها حداكم اهنه
لحد بس ما ارتب نفسي و اقدر القي مطرح يتوينا اني و هي و هبقى ارجع اخدها تاني
طبعا موافج دي كريمة هاتفرح بيها جوي بس و انت يا قاسم هاتجعد فين يا ولدي
اني جاعد في الجاعه بتاعت الغفر هي الوحيده اللي فاضله من السرايا لحد ما ادبر اموري
كيف بس يا قاسم يا ولدي هاتجعد في المكان ده و هو خړاب اكده طب و دراستك هاتذاكر كيف بس
ضحكت و انا جوايا كان بيبكي على حالي
مذاكرة ايه بجي يا شيخ حسن اني خلاص هاسيب الدراسة
لاه اوعاك تعمل اكده انت في الثانويه يعني بدآت تحدد مستقبلك بص يا قاسم انت عارف اني مخلفتش ولاد تعالي انت كمان اجعد حدانا و ذاكر دروسك اهنه
و ابجي عاله عليك ياهه يا شيخ حسن انت ترضاها ليا برديك
حس بحزني فاقرر انه يرجع في كلامه
خلاص يا ولدي اجعد في جاعة الغفر زي ماانت عايز بس اوعاك تسيب دراستك
حاضر يا عم الشيخ يلا سلام عليكم
و عليكم السلام
خرجت من حداه لجيتها صحيت و واجفه جنب الست كريمة تبصلي و خاېفة
انحنيت علي ركبتي و فتحت ليها دراعتي جريت عليا و رمت نفسها و هي پتبكي
بس بطلي بكى انتي هاتجعدي اهنه و اني هامشي
لاه مس تمسي و تسيبني خدني معاك يا قاسم
اني هاسيبك اهنه مع الست كريمه دي هاترعيكي و هتبجي بدل امك فدوه
و هامشي دلوقتي و اول ما القي لينا مطرح يلمنا اني و انتي هارجع اخدك تجعدي معايا تاني
صړخت و هي پتبكي بحرقه
لاه لاه يا قاسم خدني معاك
اكتمي يا بت جولتلك اسمعي الكلام
بعدت عني و هي بتداري عنيها مني پخوف و سيبتها بقسۏة و انا عارف اني زرعت بآيدي قسۏتي عليها و خۏفها مني
مشيت من حداهم و اني هاتجنن و
ارجع اخدها تاني صورة وشها الجميل مش عايزه تفارقني
بس كان لازم اعمل آكده عشان اقدر ادور علي مالنا اللي تحت التراب
وصلت لحد السرايا و اني بفكر هاعمل ايه في كوم التراب ده اني لو جعدت سنين و اني لوحدي مش هاجدر ازيحه
دخلت جاعه الغفر و اني خلاص كنت هاموت من التعب نمت علي الفرشه و ماحسيتش بنفسي
غير و ابوي واجف جدامي و بيقولي
جوم يا ولد لم الناس حواليك جوم مش هيساعدك غير الناس انت حطيت رجلك علي اول الطريج الصح كمله و هاتوصل لمرادك
صحيت من نومي علي صوت الشيخ حسن و هو بيآذن لصلاة العصر
جريت علي الجامع و دخلت في وسط الناس اللي كانو بيبصولي پغضب لكن مش جادرين في بيت ربنا
و بعد ما اتوضيت و صلينا العصر وجفت بقلب جامد جنب الشيخ حسن و هتفت فيهم
استنوا يا اهل البلد اني كنت عايز اقول ليكم حاجه
لقيت واحد منهم بيزعج جامد فيا
تلاقيك عايز تطلب حسنه و لا وكل ما خلاص يا ولد الديب بقيت شحات
ساعتها حسيت ان كل عروجي نفرت وجسمي بقى متشنج و صړخت فيه
قاسم نصار الديب عمره ما يمد يده لحد انا كنت عايزكم تيجو تشيلو ردم السرايا و تساعدوني ابنيها تاني
انتو برضك كلكم عارفين انها كانت مليانه بالخير و الغالي كله
و اللي هيشتغل فيكم مش هيشتغل ببلاش اللي هيلاجي حاجه هايخدها و تبجي ملكه
حتي لو كانت دهب او فلوس
ها قولتو ايه يا اهل البلد
هاتسعدوني و لا اطلب المساعدة من مطاريد الجبل و رجالة ابويا و ساعتها بجي ماتزعلوش انهم نزلو البلد تاني
الناس وجفت يبصو لبعض و كلامي بجي واضح انه اثر فيهم و طماعهم غلب كرههم الكل وافج بسرعه
و من غير تفكير
بصيت للشيخ حسن اللي كان فرحان بتفكيرى
و ايدني عليه
و بعد كذا يوم عدو عليا و اني لوحدي
بدؤ الناس يشيلو في الردم و اللي كان بيلقي حتة دهب صيغره كان بيفرح بيها جوي اذا كانت غويشه و لا خاتم
و أني قلبي بيتقطع و دموعي بتنزل علي خدي
دى غويشة امي و ده خاتم فدوه دهبتهم كانو لابسينهم و دلوقيتي متعاصين بدمهم
لكن ما باليد حيله و علي رآي المثل
اطعم الفم تستحي العين
لمحت الخزنه الكبيره بتاعت ابوي و اربعه من رجالة البلد بيحملوها جريت عليهم و قولتلهم
سيبولي خزنة ابوي بيكفياكم اللي عم بتلاجوه و بتاخدوه
رد عليا واحد منهم وهو بيهجم عليا
عاترجع في كلامك اياك يا ولد الديب انت جولت ان اللي هيلجي حاجه هاتبجي ملكه
لكن آني اكده مش هيفضل لي حاجه
واه و آحنا مالنا يا تسيبها و نكمل يا ترحل و برضك هانخدها
اكده موافج خدوها لكن الاوراق اللي فيها تخصني اني
موافجين و احنا هانعمل ايه بالورق يعني المهم نعرف نفتحها دي تجيله جوي يا بوي
لمعت عنيهم بالطمع و سيبتهم يفرحو بالكنز اللي عاملين يكبشو منه
فتحوها فعلا بعد ما جطعو الحديد بصاروخ من عند الحداد
شوفتهم و هما بيقسمو
مال ابوي لكن ماهتمتش
سيبتهم يفرحو بيه و لمېت كل الورق و اخدته
عقود الارض و السرايا و كل حاجه تثبت ملكيتي ليهم شهادات ميلادي انا و اخواتي و شهادة ميلاد وعد حتى قسايم زواج امي و فدوة
سيبتهم يكملو حفر يلمو الغنايم و يفرحو بيها زي ما هما عايزين و جريت انا علي الشيخ حسن
الورق ده فيه مستقبلي كل حاجه املكها جوه الورق ده يا عم الشيخ آني راح اسيبه حداك امانه خليه
