بسمه الصعيد
متجلجيش مكنتش موچودة اهنه ولا انا اصلا افكر اتحدت معاها بس مش اخرچ كمان
بسمة ابتسمت بفرحة وسألته باندفاع
افهم من كدة انك مخرجتش مع اي واحدة قبل كدة ولا كان ليك حب قديم وكدة زي باقي الرجالة
صالح فجأة ابتسامته اختفت واتوتر وبص عالنيل ولاحظت بسمة تعبيراته فسألته پخوف
حبيت قبل كدة يا صالح
هتفرج معاكي يا بسمة لو عرفتي
بسمة اتأكدت ان صالح كان بيحب او ما زال لسة بيحب عشان كدة اتأثر بسؤالها فمقدرتش تمنع نفسها انها تعرف هي مين وفين وردت عليه بتردد
مش احنا بقينا صحاب يعني
لازم نكون صرحا مع بعض ومحدش يخبي حاجة عن التاني قولي بقي هي مين
كان واقف سالم بيتكلم مع قمر وباين علي وشهالضيق والڠضب وواقفة متابعاهم من بعيد فتون ورغم انها مكنتش سامعة كلامهم بس المشهد بالنسبالها وهي شايفة حبيبها وجوزها واقف مع واحدة تانية صعب عليها وخصوصا لو هي عارفة انه مش بيحبها وبيحب البنت دي مسحت فتون دموعها بايديها وانتبهت لصوت شاب من وراها وهو بيقولها باعجاب
خاڤت فتون ورجعت لورا كام خطوة وهي بتبصله پخوف وبتحاول متبينش خۏفها فقالتله بحدة
احترم نفسك يا چدع انت مش عيب لما تطاول علي حريم من نفس البلد اومال فين النخوة
ابتسم الشاب بخبث وهو بيبص لفتون بتقييم من فوق لتحت وقرب منها وهو بيقولها بسخرية
قال كدة الشاب الغريب ده وهو بيمسك فتون من اديها وبيشدها عليه فصړخت فتون بړعب صړخة قبضت بيها قلب سالم اللي اتنفض بسرعة علي صوتها ولف بسرعة وشاف الشاب
لا يا سالم خلاص متروحلوش
انتهز الفرصة وجري الشاب بسرعة وهرب وفي نفس الوقت بص سالم لفتون وطلع غضبه فيها وهو بيقولها پغضب وصوت قوي من خوفه عليها من اللي كان ممكن يحصلها
فتون اتتفضت من صوت سالم القوي ودموعها ذادت وهي بصاله وفجأة بصت يمينها وكأنها بتجاوبه لما بصت علي قمر اللي واقفة بعيد ففهم سالم وغمض عينه بغباء وكأنه استوعب انها كانت واقفة وبتشوفه وهو واقف مع قمر وفتح سالم عينه وبص لفتون وكان لسة هيتكلم بس فتون وقتها اڼهارت وكأنها اتحملت فوق طاقتها ووقعت قدامه مغمي عليها فقلب سالم اتقبض ونطق اسمها بلهفة وهو بيلحقها ...
انت لسة بتحبها يا صالح لسة بتحب بنت عمك فتون
صالح كان متابع كل تعبيرات بسمة وهي بتفكر من اول ما خلص كلامه وحكالها وراهن نفسه انها هتسأله نفس السؤال فابتسم واتأكد انها في مشاعر من ناحيتها ليه فابتسم واتفاجأت بسمة بيه وهو بيمسك ايديها
خابرة لما تعيشي عمرك كله متعلجة بشخص ويبجي كيف الحلم بالنسبالك ونفسك لو يتحقق وتبجي بتتمني اليوم اللي تجدري تحققي فيه الحلم ده وبعد اكده بتصادف انك بتجابلي شخص مختلف خالص وبيكون غير اللي حلمتي بيه شخص قدر يسكن جلبك ويعلجك بيه و يثبتلك ان الحلم ده اللي كنتي بتتمنيه مكنش غير وهم وكنت معيشة نفسك فيه مش اكتر وان الواقع اجمل وارق والطف بكتير جوي من الوهم ده يا بسمة
بسمة قلبها كان بيدق وفجأة ابتسمت بتلقائية ووقتها بس اللعبة قلبت جد ومش بس صالح حبها ده هي كمان حبت صالح وبقي بالنسبالها الامان وطوق النجاه وانتبهت بسمة علي صوته وهو بيسألها بابتسامة
فهمتي اچابتي ولا اجولهالك تاني
ابتسمت بسمة بخجل فكمل صالح كلامه وقالها بسعادة
انتي بالنسبالي الواقع ده يا بسمة عشجك اتسرب لجلبي وخلاه ينكر انه ممكن يكون حب جبلك حد وعشان اكده بسألك تتچوزيني يا بسمة
البارت التاسع
بسمة الصعيد
الف مبرووك
قالت كده الدكتوره اول ماخرجت من اوضة فتون وسالم كان باصص ليها وهو مش مصدق نفسه ومن جواه فرحان اوي يمكن فرحته دي خلته يتأكد انه بيحب فتون زي ما حبته واثبتتله ان
