مطلوب عروسة لحمايا بقلم مروة حمدى ومنى عبدالعزيز

عرق وسيح ډم ويعرفوا ليه انا هعمل اللي هعمله ده ومفيش واحد فيهم يعترض او يرفض.
وقف مذهول اول ماشاف ولادة وقفين قدام شقته كلم نفسه وقال ياتري اي اللي موقفكم كدا وخلكم مدخلتوش معقولة تكونوا عارفين اللي حرمكم بيعملوه هز راسه باصرار سواء عارفين او لاء انا هنفذ اللي في دماغي انا مش عيل صغير على عمايلهم وانا لسه بصحتي وبيعملوا كدا امال قدام شوية والسن يكبر او تعبت هيعملوا فيا ايه.
طلع السلم ببطئ شارد الذهن يشجع نفسه على اللي بيفكر فيه..
عاطف بيكلم اخوه قدام باب الشقة عارف ياعماد احنا مقصرين اوى يا بابا كل واحد فينا بيرجع البيت يطلع شقته ما بينزلش منها غير على معاد الشغل لا بنجي نسهر معه ولا بنفطر معاه زى زمان. 
الاول كانت الشقة مليانه دفا حتى وهي نايمه في تعبها رحتها كانت في كل حته من يوم ما ماټت الشقة بقت حزينه حيطانها برده مبطقش اقعد فيها دقيقة بتخنق واطلع مبنزلش.. 
عاطف احنا لسه وصلين حالا ياحاج. 
غانم ايه اللي اخركم كده بقالكم ساعة طالعين من المحل.. 
عاطف العربية عطلت بينا وعلى ما أصلحت ودارت اخرتنا. 
غانم حمد الله على سلامتكم الحمدلله انكم بخير قالها وهو بيفتح باب الشقة وبيدخل. 
عماد أول ما دخل اي دا اي ريحة الكمكمة دى. 
عاطف ياساتر دى ريحه فظيعه كأن في فار مېت في الشقة 
ابوهم ادخلوا الصالون في كلمتين عوزكم فيهم وبعدها روحوا شقاكم ريحوا. 
عماد قلقتنا يا حاج اي الحكاية. 
غانم وهو بيقعد على الكرسي وعينه على

الارض بضيق من اللي شايفه اقعدوا وانتم هتعرفوا كل حاجه. 
عاطف قعد مذهول من اللي شايفه رفع عينه لاخوه وبيشاور على الأرض. 
عماد بص لابوه وبعفويه اي دا ياحاج انت كنت سهران ليلة امبارح ولا ايه بس من امتى حضرتك بتأكل لب وسوداني انتم مش بتحبهم خالص.
عاطف وهو بيبص حواليه وحتى لو بابا سهران مش المفروض نوال وبدرية بينزلوا يروقوا الشقة كل يوم ال يشوف الشقة يقول ليها شهور شايف عشش العنكبوت
الحج غانم على قد ما انا مرتاح علشان ما تعرفوش عمايلهم على قد ما انا حزين انكم ما مفكرتوش فى يوم تنزلولى بالليل تطمنوا عليا تشوفونى كلت ولا لا او حتى تتجوا الصبح وتقولوا نفطر مع ابونا
عاطف بابا مش حضرتك ال قايل لبدرية انك بتتعشى لقمة صغيرة وبتنام ومش هتستحمل دوشة العيال والصبح بتفطر مع العمال.
الحج غانم ومن امتى يا عاطف وانا مبستحملش عيالك! وبعدين انت تعرف عن ابوك انه يحب ياكل لقمه بره بيته
عاطف ما انا كمان استغربت.
الحج غانم استغربت اممم طيب وانت يا عماد ايه حجتك انت كمان عاطف علشان عياله طب وانت
الاتنين بلهفه بعد الشړ عليك يا بابا حقك علينا
عاطف بعصبيه بيقوم من مكانه انا طالع اشوف بدرية عملت ليه كده وليه قالت كده
عماد وانا كمان هطلع اشوف ازاي نوال مبتنزلش تنضف الشقة في يومها و هخليها تنزل دلوقتي حالا تروق.
غانم وتفتكر دا حل وانا هسمح انها تنزل تعملي حاجه او تعتب باب الشقة لاء يابني. 
عاطف خلاص يبق بدرية تنزل.
عاطف بس يابابا.
غانم انا قلتها كلمة وخلاص الاتنين دول ميعتبوش باب الشقه طول ما انا عايش. 
عاطف طب اي يرضيك نجيب ام سمير اللي كانت شغاله وقت تعب ماما ولا نشوف حد تانى. 
غانم وتفتكر ان دا حل يابني. 
عاطف بحيرة حل مؤقت يابابا لحد منشوف بنت صغيرة تشوف طلباتك. 
غانم انا مش عاوز خدمين زمان لم وفقت ان ام سمير تجي تساعد امكم دا عشان المرحومة كانت تعبانه اللي بتقف على ايد ام سمير وعنيها على كل كبيرة وصغيرة لكن دلوقتي انا محتاج ونس حد ياخد بحسي يهون عليا طول الليل ولو تعبت القى اللي يناولنى كوباية ماية من الأخر انا هتجوز. 
يقف الاتنين وپحده من صدمة وقوع كلام ابوهم عليهم وقراره بالجواز. 
غانم اللي سمعتوه انا هتجوز لو في امل واحد في الميه اني اتراجع عن قراري دلوقتي انا مصمم أكتر. 
عماد لاء طبعا احنا مش موفقين ازاي حضرتك عاوز تجيب ست تانيه تاخد مكان ماما. 
غانم بحدة خلته يشرق جري عاطف على المطبخ يجيب كوباية مايه وقف مصډوم من اللي شافه