حبيبي دائما
بعفويه _ شاطره !هو انت بتكلم بنت اختك
ضحك بصوت عالي_ هو اللي بيكلم بنت أخته بيقولها شاطره يا روان
بصتله ببلاهه هو ازاي ضحكته حلوه اوي كده اختفت ابتسامته وبعدها بصلي بجمود
_ هاتي الورق و روحي مكتبك
بصتله بدهشه وبعدها هزيت راسي وطلعت مچنون ده ولا ايه هو بيتحول
طلعت برا وانا ببرطم نفسي في مره من وقت ما اشتغلت وانا أفهمه لكن بفشل عمره ما فهمته مره واحده بس
رفعت راسي بسرعه _ خالد ايه جابك هنا
ابتسم وقعد قدامي _ مقعدتش معاكي امبارح قولت اجي اقعد معاكي
بصتله وضحكت _ ده مكان شغل يا استاذ خالد
ضحك _ مش مشكله فيها ايه لو اطردتي يعني
بصتله پصدمه وضحكت _ لا ولا حاجه هخنقك بس يا خالد
ضحك وفجاه لقيت الباب بيتفتح وخرج مستر نادر وهو بيبصلي پحده
اتكلمت بتوتر وخوف _ معلش يا مستر نادر خالد بس ضحك شوية
بصلي بجمود _ طيب انتي هتسيبي شغلك و تتكلمي مع الاستاذ ولا ايه
خالد بصلي بشك وبعدها بصله
_ ازيك يا استاذ نادر معلش بقى عشان امبارح كانت روان مشغوله فقولت اجي اشوفها
مستر نادر بصله وكشر_ بس ده مكان شغل مش ضحك ولا زيارات عائليه !
مستر نادر رفع حاجبه_ ده شغل ولا ايه يا روان
اتكلمت بسرعه_ طبعا يا مستر نادر انا معترضتش خلاص يا خالد ابقى اقابلك في البيت النهارده
خالد هز رأسه بهدوء مريب وخرج و مستر نادر بصلي پغضب وقالي
_ تقابليه ازاي يعني
رفعت كتفي بلامبالاه_ ده ابن خالتي عادي أقابله في البيت
بصتله بضيق_ انا مش فاهمه حضرتك زعلان ليه ده ابن خالتي
_ وايه يعني ابن خالتك بقى
قربت بهدوء ووقفت قدامه وبصتله بشك _ انا مش فاهمه حضرتك عايز ايه امبارح كنت مصر توصلني وقولت زي بعضه عشان بشتغل معاه وبعد ما نزلت فضلت واقف وانا مش فاهمه برضوا شوفتني طالعه مع خالد مشيت بسرعه بالعربية لدرجة كنت هتعمل حاډثه وبليل اول ما عرفت بوجود خالتي و ابنها خالد بدل ما تأجل الشغل اصريت تخليني اعمله ودلوقتي بتزعقلي عشان جه هنا ومعترض وزعلان اوي اني أقابله في بيتنا انا بدأت اشم ريحه مش لطيفه فيه ايه بالظبط يا مستر نادر
_ روان ا انا انا
مكملش كلامه و موبيله رن وبعدها نزل بسرعه وانا مش فاهمه في ايه بالظبط
خلص اليوم و روحت البيت دخلت الشقه لقيت خالد قابلني وهو مبتسم
_ ايه اللي اخرك كل ده يا روان
_ تأخير ايه يا بني ده انا جيت النهارده بدري
_ يا روان سيبك من الشغل ده يعني في الاخر هتاخدي منه ايه
دخلت بدلت هدومي وبعدها طلعت لقيت خالد قاعد لوحده
_ امال فين تيتا
_ قالت هترتاح شوية
هزيت راسي_ اها
سكت شويه وبعدها اتكلم _ روان انتي ايه رايك فيا
ضحكت _ راي فيك ازاي يعني
_ يا روان مش وقت ضحك ايه رايك فيا ك شخص
_ مالك يا ابني النهارده مش فاهمه
اتكلم بسرعه _ روان انا عايز اتجوزك
برقت وكحيت وهو عطاني مياه وضحك
_ ھتموتي يخربيتك براحه
شربت مياه وبعدها بصتله
_ بتهزر صح
_ لا مش بهزر بتكلم بجد وعلى فكره بقى انا كلمت تيتا وهي موافقه
_ خالد مينفعش انا
قاطعني بسرعه _ انا مش عايز رد دلوقتي عايزك تفكري كويس يا روان بعد اذنك
طلع برا وقفل الباب وانا بصيت عليه پصدمه مش فاهمه ايه الكلام ده انا دايما شايفه خالد ابن خالتي واخويا مش فاهمه جاب الكلام ده منين
بعد شوية تيتا طلعت وبعدها قعدت جنبي
_ ها ايه رايك في
طلب خالد
_ تيتا حضرتك عارفه إن خالد بالنسبالي ايه هو اخويا
_ هو مش اخوكي يا روان فكري بالعقل هو الوحيد اللي هيخاف عليكي ودايما بيسأل عليكي عارفه انا كنت بتمناه ليكي من زمان انا مش هعشلك كتير يا حبيبتي
اتكلمت بدموع وحضنتها_ بعد الشړ عليكي يا تيتا متقوليش كده انا من غيرك اموت
طبطبت عليا
