حبيبتي الكفيفه نور عيني

أمير الذى يقف وصدره يعلو وينخفض من شدة الانفعال 
البيه المحترم بيعلى صوته عليا .. فاكر نفسه بقى كبير لدرجة انه يقف ويبجح فيا ..
ليكمل بعدها صائحا باسم تولين التى كانت تقف على بعد خطوات خارج الغرفه تستمع الى حديث جدها منذ دلوف عدى الى الغرفه .. لتدلف بسرعه عند سماعها لصياح جدها باسمها قائله بأدب
نعم يا جدى
السيد عاصم بجديه وهو ينظر اليها هى وعدى
تولين اسبقينى انتى على اوضتى فوق وانت يا عدى كلم كريم يمشى الصحافى اللى برا مش عاوز اى صحفى برا وبعدها حصلنا على فوق .
ليوما له كلا من تولين وعدى ليغادرا بعدها الغرفة ليلتفت بعد مغادرتهم الى امير الذى يقف ينظر الى جده باستغراب ليردف عاصم بنبرة قوية حاصمة لا تقبل النقاش

وانت ياريت تقعد مع نفسك وتفكر فى تصرفاتك اللى بتعملها وكلامك اللى زى السم
ليردف امير بسرعه محاولا الدفاع عن نفسه 
انا معملتش حاجة غلط
ليبتسم السيد عاصم بسخريه قائلا 
انت كلك غلط .. واضح ان فلوسك وقوتك نستك اصلك
ليكمل بعدها باسف يا خسارة تربيتى فيك
ليغادر بعدها الغرفة تاركا امير يقف محله فى منتصف الغرفة يفكر فى حديث جده ويقارنها بأفعاله الذى يقوم بها منذ ذلك الحفل الى الان وطريقته الفظة بالحديث مع مالك .. فهو لاول مرة منذ زمن بعيد بعيد للغاية يحدث أحد بتلك الطريقه فهو دائما امير لوح الجليد الذى لا يتاثر بأحد ... لكن الان سمعته ومكانته فى السوق على محك لا يوجد هدوء ولا عقلانية لياتى ذلك المالك بطريقته المستفزة وثقته الزائده يشعلان غضبه اكثر وفوق كل هذا يخبره بأن زواجه من اخته

سارة لن تقوم الا بزواج الاخر من اخته تولين مؤكد انه قد جن ليطلب طلب كهذا .
العائلة هي أحد الأشياء التي تتباهى بها هي الأعمدة الثابتة داخل القلب والدفء الأعمق الذي لا تملك إلا أن تنتمي إليه في كل مرة يجرفك شيء توقن في داخلك بأن هذا أثمن ماتملك .
وصل الثلاث اشقاء الى منزلهم القديم حيث أن الاخر الذى يقطنان به محاط بالصحافة
لتدلف ملك اولا بمرح تدور حول نفسها قائلة بسعادة 
يا اخيرا جينا هنا البيت دا كان وحشنى اوى
لتردف سارة مجيبة له وهى تسير بجانب مالك 
يلا يا بكاشة دا انتي اول واحدة كنتى بتزنى على ودان بابا الله يرحمه عشان نعزل
ملك بحزن مصطنع وهى تجلس على الاريكة بعد ان ازاحت تلك الملائة البيضاء من فوقها
اخص عليكى يا سمسم انا بردوا اقول كدا دا هنا الاصل واللى ملوش اصل ملوش فصل
جاءت سارة لتجيبها لكن سبقها مالك وهو يقول بتهكم لاغاظة ملك 
يا دمك ياشيخة.. ايه الالش الرخيص دا
لتردف ملك بغيظ منه انا الشى رخيص خلاص يا حضرة الباشمهندس سبنالك الغالى...........
لكنه قاطعتها سارة وهى تشدد على ذراع اخيها حتى ينتبه لها قائله بجديه 
مالك سيبك من البت دى انا عاوزاك فى موضوع
ملك وهى تفتح عينها بدهشة لټضرب كف بكف 
انا دكتور ملك الصياد يتقالى بت .. انا اروح انضف الاوض اللى جواة بدل الاهانه دى
مالك بصوت عالى نسبيا حتى تسمعه بعد ان دلفت الى الداخل 
وشوفى كدا فى حاجه تنفع تتاكل ولو مفيش اطلبى اكل
لتجيبه من الداخل بحسنا .. من ثم ياخذ هو بيد سارة يساعدها على الجلوس ويجلس بجانبها قائلا بحنان 
موضوع ايه يا حبيبتي
سارة بارتباك وهى تفرط اناملها ببعضهم البعض 
هى .. هى ملك قالتلى ان .. يعنى
ليكمل هو عندما لاحظ ارتباكها وتوترها فملك قد اخبرته بما قالته لها 
ان امير طالبك للجواز
لتومأ هى برأسها بالايجاب وتظهر طبقة من الدموع فى مقلتيها قائلة بنبرة ضعيفه 
مالك انت اكتر واحد عارف ان مش هقدر اجوز اكون زى اى واحده .....
قاطعها مالك پحده طفيفة وهو يأخذها بين ذراعيه يضمها اليه فى عناق اخوى 
ايه اللى انتى بتقوليه دا يا سارة انت هتجوزى وتعيش حياتك زى كل البنات .. متوقفيش حياتك باللى حصلك زمان
لتزرف هى الدموع دموع الم و ۏجع على نفسها قائلة بحزن وهى تشكو همها الى اخيها 
يا مالك صدقنى مش هقدر .. انا بحتاج اللى يساعدني فى كل حاجه ازاى هبقى مسؤله عن بيت و زوج وفيما بعد عن اولاد
ليشدد مالك من ضمھا اليه قائلا بحنان 
ليه يا سارة ليه بتقولى كدا
سارة بيكاء وه ټدفن رأسها بصدر اخيها وكأنه اريد لن تختفى بداخله 
خاېفة يا مالك خاېفه
مالك بنبرة حنونه

وقد تألم من رأية اخته بذلك الاڼهيار وتلك الآلام التى بداخلها هو وحده من يشعر بها يتألم عندما تتالم فهى توأمه نصفه الاخر فى هذه الحياة اطلقا اول صرختهم معا فى هذه الحياة فكيف له ان لا يشعر بها! 
تخافى بردوا و لوكه حبيبك معاكى!. مټخافيش مت حاجه طول ما انا جمبك يا عمرى.
لتقول برجاء وهى تتحس بيدها فوق ملامحه 
طب عشان خاطرى قولى الحقيقة.. انا عارفة ان امير مطلبنيش للجواز .. بس مش فاهمة فى ايه