حبيبتي الكفيفه نور عيني

اختفى داخل غرفته .. بينما عدى استدعى احدى الخادمات واخبرها بان تذهب وتنادي كلا من امير و مالك فذهبت بالفعل الى الغرفة التى كان مالك يقبع بها .. لتتدق على الباب من ثم تقول بأحترام دون أن تفتح الباب 
دكتور عدى بمبلغ حضرتك ان كمان نص ساعه تكون موجود تحت فى المكتب
مالك پغضب من خلف الباب ماشى .. بلغيهم هينزل بعد ما يعمل كام مكالمه
الخادمه حاضر يا بيه ...
قالت ذلك ثم غادرت اما مالك فاخذ هاتفه يعبث به قليلا ثم يقوم بمهاتفة احد الأشخاص ...
غفت سارة بعد ان طلبت من تولين ان تضع حبة منوم فى كأس من العصير حتى لا تدرى بما قال عنها .. فمؤكد انها ستنهار بالإضافة كون صحتها ضعيفة ولن تقدر على تحمل خبر كذلك

لتدثرها ملك بغطاء خفيف و تقبل جبينها من ثم تتجه تجلس بجانب تولين التى كانت تجلس فوق الاريكة الموضوعة بالجناح 
لتردف ملك بتساؤل و هى تجلس بجانب تولين 
متعرفيش ايه اللى هيحصل و ليه عاصم بيه مجمعهم هما بس
لتجيبها تولين بنبرة حزينه و هى تنظر الى اللاشئ امامها
جايز لاقو حل للمشكلة وعايز يقولهم عليها ...
قاطعتها ملك و هى تمسك ذقنها لتجعلها تنظر اليها لترى تلك الطبقه الرقيقة من الدموع فى عين تولين لتردف بنبرة حنونة
تولين مالك يا حبيبتى .. ليه دايما زعلانه اتكلمى
لتبتسم تولين پألم فى وجه ملك .. فرغم انهم لم يتعرفوا على بعضهم البعض منذ ايام قليلة لكنها شعرت بها وكأن سؤالها سؤال حنون ليس فضولى لتردف بتعب 
ملوش لازمة الكلام صدقيني... انا هريح شويه جمب سارة .. وتعالى انت كمان السرير كبير 
ملك وهى تسحبها من يدها تجلس مرة اخرى
متبقيش عنيدة .. قعدى يلا احكى
لتكمل بمرح وهى تغمث بعينها
الموضوع شكله فيه مز احكي احكى مالك
لتردف تولين بابتسامه حزينه و دمعه واحدة سالت من عينها
مالك
لتردف الأخرى بصبر وهى تحرك رأسها بالنفى 
لا انا اللى عاوزه اعرف مالك !!.
لتبتسم تولين بخفة وهى تمسح تلك الدموع التى سالت دون أن تشعر
وانا بقولك الموضوع هو مالك
ملك بغباء وهى تعقد حاجبيها مالك مين .. مش فاهمه حاجه
لتجيبها تولين ببساطة بعد ان

زفرت الهواء بتعب 
ايه اللى مش مفهوم يا ملك الموضوع هو مالك
اردفت ملك بزهول مالك اخويا
لتوما الاخرى رأسها وهى تغمض عينها وتلك الدموع التى كانت تحبسها قد أعلنت الاستسلام لتزرف فى صمت .. معلنه عن ۏجع قلب ارهقه العشق فى صمت
بعد صمت استمر للحظات تحدثت ملك و قد تدارت ذهولها بداخلها 
هو و انت و مالك يعنى ... اللى هو فى علاقة قصدى مرتبط.......
قاطعتها تولين بنبرة ساخرة وهى تمسح دموعها كالاطفال حيلك ايه ده كله .. علاقة و مرتبطين مرة واحدة .. اخوكى مش شايفينى اصلا
ملك باستغراب وهى تعقد ما بين حاجبيها 
لا براحة عليا ..
زفرت تولين بتعب مفيش حاجة تتقال يا ملك هى مشاعر من طرف واحد و زى ما قولت ليكى مالك مش شايفنى اصلا .. و انا زى الهبلة بقالى ٣ سنين بحبه
كانت تتحدث بنبرة مهزوزه غثات البكاء ټخنقها .. لتقترب منها ملك تربت على ظهرها 
الحب عمره ما كان هبل يا تولين محدش بيختار هو بيحب مين .. بس ازاى بقالك ٣ سنين بتحبيه واحنا كلنا لسه عارفين بعض من كام يوم بس
تولين بحزن وهى تحاول السيطرة على دموعها التى تسيل 
انا اعرفكم من زمان من ايام ما حاډثة سارة تحديدا الفترة اللى هى كانت فى المستشفى فيها .. كنت انا لسه بتدرب فى المستشفى وشوفته كنت فكراه مجرد اعجاب .. بس قلب معايا بحب .. بقيت الايام اللى اعرف انه هيبات فيها اخلى النبطشية بتاعتى بليل لمجرد انى اشوفه .. وبقيت بعرف كل حاجه عنه 
نظرت ملك لها بذهول وهى تفكر كيف لشخص ان يعشق احد لمدة ثلاث سنوات فى السر .. كيف لها ان تحبه من مجرد رؤيتها له من بعيد لتتحول تلك النظرات الى حب يا الله .. كيف للقلب ان يعشق فى صمت
ليستمر صمتها و شرودها لدقائق تفكر فيما قالته تولين لها .. وعن حبها لاخيها
لتقاطع تولين شرودها قائلة بحزن معليش .. تتعبك معايا واشغل بالك
لتتحدث ملك بسرعه وهى تلتفت اليها تعب ايه بس .. انتي نسيتي اننا اصحاب والا انتي زعلانه مني انا كمان بسبب اللي حصل 
تولين بصدق لا يا ملك وهزعل منك ليه سواء انتى او اخواتك انتم ملكمش ذنب في اللي حصل .
ملك بخبث وهى تغمث لتولين يبقى تسكعى كلامي وغيري هدومك وانا هقولك تعملى ايه عشان مالك ياخد باله منك .. وانت متأكده انك هتبقي قمر لو لبستي الهدوم اللي هخترتهالك بس قولى فين دولابك .
فابتسمت نور واشارت لها على غرفة الملابس لتتجه اليها ملك بخفة وتقوم باختيار احدى الاطقم الرقيقة لكنها ذات جمال من ثم تقدمهم لتولين تطلب منها ارتدائه
لتقول تولين بابتسامهرقيقه