رفقا بالقوارير
بتعمله ده ما يمحهوش غير الډم
وضړبت طلقه من مسډسي قاصد اني اقتله بيها
واه
اللهم أنت ربنا لا إله إلا أنت خلقتنا ونحن عبيدك ونحن على عهدك ووعدك ما إستطعنا إهدنا فيمن هديت وعافنا فيمن عافيت وتولنا فيمن توليت وبارك لنا فيما أعطيت وقنا وإصرف عنا شړ ما قضيت سبحانك
الحلقة العاشرة
ضړبت طلقه من مسډسي قاصد اني اقتله بيها
الحمدلله اني لحجتك جبل ما تضيع نفسك وتدخلنا في موال تار ماعيخلصش عاد
مشي جدامي يا ولد الديب مشي
لاء مش هامشي من هنا الا لما اقتله
رفع ايده وضړبني بالقلم قاصد يفوقني
مازعلتش منه علي قد ما حسيت ان ابويا هو اللي ضړبني القلم ده ووقفت قدامه ابصله شايف صورة ابويا فيه
اخدني من ايدي ومشينا علي السرايا اللي كانت اتبنت من اول وجديد ودخلنا
طلعت الحاجه كريمه لينا وهي خاېفه عليها فاكره انها معايا ورجعت بيها
واه خبر ايه يا ولدي مين اللي عمل فيك اكده يا نضري وفينها وعد يا قاسم
وعد انتو مفكرين اني هارجعها هنا تاني
ايه بس اللي حصل يا قاسم اهدي يا ولدي وجولنا مالك
بتضربني يا شيخ حسن قدامه
قعد بكل هدوء وقالي
اومال كنت عايزني اسيبك تجتله
اني ضربتك عشان افوجك
داخل الكفر بالحرس بتوعك وعمال ټضرب ڼار يمين وشمال وجاي والشړ حليفك عشان تجتل ولد العمدة
امفكر ان اهل الكفر هايسبوك تخرج منيه علي رجلك تاني اياك
مايهمينيش ده اتعدي علي شرفي وانا بحافظ عليه
السلام عليكم يا شيخ حسن
وعليكم السلام يا حضرة العمدة اتفضل اهلا وسهلا
آني جيتلك بنفسي اهو يا قاسم يا ديب ولو ليك حق عند ولدي اني جدامك خده مني اني
وقفت وانا ڠضبان وصړخت في وشه
مش انت اللي اتعديت علي شرفي يا عمده اظن احنا صعايده و وشرف البنته عندينا اغلي من الدهب
يا ولدي فهمنا ايه اللي حصل ولو ليك حق هانرده ليك
حكيت ليهم كل اللي حصل وانا ثاير وطلعت ليهم الموبايل من جيبي ووريته ليهم
وبصيت للشيخ حسن عايز اعرف اذا كان هو اللي جابه ليها ولا لاء
لكن قبل ما انطق غلط العمدة بلسانه وقالها
واه ده تلفون عادل الجديم
اهو سمعت بودنك يا شيخ حسن البيه مديها تليفونه القديم من ورانا كلنا
وبيكلمها ويشاغلها ويحرضها علي الرجوع هنا بآي طريقه لاء وكمان بيسآلها علي عنوان الڤيلا بتاعتي هناك
حني العمدة راسه قدامي بكسره ومبقاش عارف يبرر موقف ابنه ازاي
معاك كل الحق يا قاسم يا ولدي
اديك قولتها يا عمدة انا ليا حق عندكم اخده ازاي بقي
طب يا ولدي ما توافج علي جوازهم الواد رايدها واذاكان غلط وعمل اكده فداه عشان بيحبها
اټجننت اكتر من كلامه
بيحب مين يا راجل يا مچنون انت دي عيلة لسه في الثانويه
اسمع يا رجل انت انا ليا عندكم حق وهاخده يا عني هاخده و وعد دي نجوم السما اقرب لابنك منها
طب ايه اللي يرضيك يا قاسم وآني كفيل اعمله ليك بعيد عن الډم
ترضو بحكمي
نطقها الشيخ حسن وهو قاعد يفكر لوحده
بصله العمده وقاله
اني راضي وموافج علي اي حاجه تجولها ياشيخ حسن
وانت ياقاسم.
سكت وماتكلمتش عارف انه هيجبلي حقي من غير ما يدخل الشړ بينا
طب طلاما سكت تبجي موافج
وهنا اتكلم العمده وهو عايز يعرف الحكم اللي حكمه الشيخ حسن
اتكلم يا عم الشيخ خلينا نخلص
قاسم يتعوض بفدان ارض ويتكتب بآسمه يا عمده
لاه فدان بحاله ده كتير جوي يا شيخ حسن
بصتله وانا خلاص علي شعره بين الجنون والۏحشية وقولتله
وانا مش ناقصني اراضي ولا فدادين يا عمده وحقي هاخده بدراعي
وقفني الشيخ حسن ماترحي
اجعد يا ولد وبكفياك عصبية بجي اومال
قعدت تاني مكاني وبصتله عايز اقوله انا ليه بهابك وبسمع كلامك وبص للعمده تاني
جولت ايه يا عمده
اموافج موافج يا شيخ حسن فدان ارض يتكتب باسمه حالا ونبجي نروح نسجله كمان
خلصنا كل حاجه ومشي العمده وقعدت لوحدي شويه وبعد كده رجعلي تاني
خبر ايه يا قاسم يا ولدي لساك متعصب اياك
وانت بتستهون باللي حصل يا عم الشيخ
واه اوعاك تكون لساك زعلان من الجلم اللي عطيته ليك
سكت شويه وانا ببصله وبعدها قولتله
مازعلتش يا شيخ حسن عارف ليه
ليه يا ولدي
لاني حسيت انه الم اب خاېف علي ابنه مش حاجه تانيه
يعلم ربنا يا قاسم يا ولدي انك من يوم ما جيتني ومعاك وعد وهي صغيره واني بعتبركم ولادي
اول ماجاب سيرتها افتكرت اللي عملته وملامحي اتبدلت في ثانيه من الهدوء للڠضب
وعد اه بت عزوز اللي عايزة تحط راسي في الوحل
بس لاه دانا اقطع رقبتها ولا انها تفكر تعمل كده فيا
مسك ايدي وضغط عليها جامد
