روايه خارج عن المألوف لكاتبتها نشوه عادل

اهلا يا مريم اتفضلوا ارتاحوا مفيش داعى للقلق ..ها اقدر اساعدك ازاى
مريم بتنهيدة بصى انا مش بأمن بالكلام ده بس انا مش لاقية اى تفسير او إجابة للى انا فيه ومحتاجة بجد اعرف اللى انا فيه ده طبيعى ولا..!
خديجة عاوزاكى تهدى خالص وتسترخى وتحكيلى وان شاء الله هساعدك
مريم الموضوع بدء معايا وانا عندى ١٢ سنة كنت ف سفارى مع ماما وبابا وخالتو وجوزها وابنهم كنت بلعب انا ومراد واستخبيت منه ورا صخرا كبيرة وقتها شوفت ست شكلها غريب ومرعب بتاكل لحمة نية فضلت تقرب منى وانا حسيت وقتها ان جسمى اټشل من الخۏف حتى مقدرتش اصړخ فضلت تقرب منى وفجأة الدنيا اسودت ولما فوقت لقتنى مع اهلى عادى ومن بعدها بقى يحصلى حاجات غريبة

خديجة زى ايه
مريم بسمع صوت مخيف اوى بيحذرنى من مۏت وطريقة المۏت كمان وبعدها بيعطينى حل للنجاة والموضوع ده حصل وانا صغيرة ف ۏفاة جدو وبابا وجوز خالتو بس للاسف مكنتش فاهمة ابتديت افهم لما كبرت
خديجة وانتى دلوقتى جاية عايزة تعرفى اللى عليكى جن او لا مظبوط كده
مريم هزت راسها ايوة
خديجة تعالى معايا يا مريم
قامت مريم ومنى لكن خديجة قالت لا انا عاوزة مريم لوحدها
منى ليه ان شاء الله انا مش هسيبها لوحدها!
خديجة مټخافيش هتكون بخير بس انتى مينفعش تكونى موجودة لان عقلك مش هيستوعب اللى هيحصل ولا قدر الله ممكن تتأذى او تتعبى
منى انا مش بخاف الا من ربنا وهاجى يعنى هاجى
مريم خلاص ي منى خليكى ولو حصل اى حاجة هنده عليكى
منى باستسلام تمام
دخلت مريم مع خديجة ع غرفة تانية فيه رسومات واشكال غريبة تشبه الطلاسم دايرة كبيرة اوى تتوسطها الرموز ومحاطة بشموع لونها احمر متصلة مع بعضها بخيوط حمرا وسوده
خديجة نامى ع الدايرة ف النص بالظبط خلى ايدك ورجلك مضمومين لجسمك غمضى عيونك واهدى واوعى تفتحى عيونك غير لما انا اطلب منك والاهم تحكى اللى شوفتيه بصوت عالى جاهزة لكده
مريم جاهزة
بالفعل نامت مريم ف نص الدايرة وعملت زى ما طلبت خديجة غمضت عيونها .. أما خديجة هى كمان غمضت عيونها قالت كلمات ف سرها فتحت عيونها الا اتحولت للون احمر وكأنه اشعة ليزر واتحولت الطلاسم اللى مريم نايمة عليها لنور دهبى يشبه اشعة الشمس بعدها حست مريم كأنها راكبة عربية بتجرى بسرعة شديدة ولقت نفسها واقفة ف صحرا
خديجة ها ي مريم شايفة ايه
مريم پخوف شايفة نفسى واقفة ف صحرا مفيش فيها اى حاجة فاضية خالص
خديجة طب ركزى اكتر
مريم بسرعة فيه ..فيه خيمة بعيدة شويه
خديجة طيب روحى هناك
راحت مريم باتجاه الخيمة ولما دخلت شافت راجل وست قاعدين ... خديجة ها شوفتى ايه
مريم ست تقريبا ف الاربعينات بس فيها شبه كبير اوى منى ولابسة لبس البدو قاعدة قصاد راجل لابس لبس غريب اوى زى الافارقة كده وشكله مخيف شويه بيتكلموا بس انا مش عارفة ولا سامعة بيقولوا ايه بس .بس فيه ورقة ماسكها
خديجة الورقة دى فيها ايه
مريم عليها رموز غريبة واسماء كتير اوى
خديجة عاوزاكى تركزى ع الورقة وتتخيلى الرموز والاسماء كويس
بعدها حطت خديجة سلسلة عليها جمجمة ع صدر مريم وابتدت الجمجمة تلمع برموز واسماء كتبتها خديجة ع ورقة وبعدها قالت عاوزاكى تحاولى تسمعى كلامهم
مريم الست بټعيط ...بتقوله انا مش هستحمل حد تانى من ولادى ېموت وهو رد عليها وقالها هعملك خدمة تحذرك من مۏت اللى بتحبيهم وازاى تحميهم لكن خلى بالك المۏت بيجى بدون انذار يعنى ممكن يجى لشخص بتحبيه بس يكون بعيد عنك وبكده مش هتعرفى تنقذيه وكمان الخدمة دى هتفضل تنتقل من انثى لانثى من نسلك عبر القرون والسنين وهتنتهى مع واحدة من احفادك لانها هتفقد الخدمة دى ف محاربة جن عاشق ردت عليه الست وقالتله موافقة بيقول كلام غريب فيه دوامة سودا ظهرت من ورا الست شهقت مريم پخوف
خديجة مالك ف ايه
مريم الدوامة خرجت منها الست اللى شوفتها ف السفارى دخلت ع جسم الست دى والست اغمى عليها
ابتدت مريم ترتعش پخوف ...اغمضت خديجة عيونها ورجعت لحالتها الطبيعية وكذلك الطلاسم وقالت لمريم عدى لعشرة وفتحى عيونك
بالفعل مريم عملت كده وفتحت عيونها كانت عرقانة جدا لكن جسمها متلج جابت ليها خديجة مياه شربت ولما هديت تماما خرجوا لمنى اللى جريت ع مريم 
منى انتى بخير
مريم هزت راسها ايوة
بعد ما قعدوا خرجت خديجة الورقة وعطيتها لمريم بصى كده هى دى الرموز والاسماء اللى شوفتيها بالورقة!
مريم پصدمة ايوة فعلا نفسها واسمى كان موجود بالاخر وبرضه الوحيد اللى كان باللون الاحمر
خديجة الست اللى شوفتيها مع الراجل دى جدتك الكبيرة من ابوكى والراجل كان ساحر جدتك مكنش بيعيش ليها ولاد ذكور يوصلوا لعمر ١٢ سنة ويموتوا عشان كده راحت للساحر وطلبت مساعدته واعطاها خدمة جن يخدمها والست اللى دخلت ع جسمها هى الخادم وبينتقل من انثى لانثى ف سن ال